ສຶກສາຕົວແບບທີ່ເໝາະສົມເພື່ອພັດທະນາລະບົບຄຸ້ມຄອງດ້ານການເງິນຂອງຄະນະວິທະຍາສາດທໍາມະຊາດ

Study of Optimizing Model to Develop FNS’s Financial Management System

Abstract

ການສຶກສາຄັ້ງນີ້ແມ່ນມີຈຸດປະສົງ ເພື່ອສຶກສາຕົວແບບທີ່ເໝາະສົມໃນການພັດທະນາລະບົບຄຸ້ມຄອງດ້ານການເງິນຂອງຄະນະວິທະຍາສາດທໍາມະຊາດ ໂດຍການສ້າງແບບຈໍາລອງແບບສັນຍາລັກເພື່ອເອົາມາເປັນຕົ້ນແບບໃນການພັດທະນາຊອບແວເຂົ້າມາຊ່ວຍໃນການບໍລິຫານຄຸ້ມຄອງວຽກງານການເງິນໃຫ້ມີປະສິດ ທິພາບ. ໃນການສຶກສານີ້ລວມມີລະບົບການປະເມີນລາຍຮັບ, ການປະເມີນລາຍຈ່າຍ, ການສ້າງແຜນງົບປະມານປະຈໍາງວດ ປະຈໍາປີ ແລະ ແຜນດັດແກ້, ການປະຕິບັດການຮັບ, ການປະຕິບັດການຈ່າຍ, ການສັງລວມເອກະສານຈົດຮັບ-ຈົດຈ່າຍ ແລະ ລະບົບຕິດຕາມເອກະສານລາຍຈ່າຍທັງໝົດ.

ໃນການພັດທະນາຊອບແວແມ່ນຈະໃຊ້ວິທີພັດທະນາແບບໂຄງສ້າງ ໂດຍໃຊ້ແບບຈໍາລອງຂອງຊອບແວດ້ວຍ Data-Flow Diagram (DFD), ໃຊ້ແບບຈໍາລອງຂໍ້ມູນດ້ວຍ Entity Relationship Diagram (ERD), ເລືອກໃຊ້ສະຖາປັດຕະຍະກໍາແບບ Client/Server, ພັດທະນາໂປຣແກຣມໂດຍໃຊ້ພາສາ PHP, ສ້າງແລະຈັດການຖານຂໍ້ມູນດ້ວຍ MySQL ແລະ ໜ້າຈໍສື່ ສານກັບຜູ້ໃຊ້ເປັນແບບ Web base.

ຜົນການສຶກສາແມ່ນຈະໄດ້ແບບຈໍາລອງການບໍລິຫານຄຸ້ມຄອງວຽກງານການເງິນ ຄະນະວິທະຍາສາດທໍາມະຊາດ ໃນດ້ານການວາງແຜນງົບປະມານປະຈໍາປີ, ແຜນງວດ, ແຜນດັດແກ້ 6 ເດືອນທ້າຍປີ; ແບບຈໍາລອງການເກັບລາຍຮັບງົບປະມານ; ແບບຈໍາລອງການຈ່າຍງົບປະມານ ແລະ ແບບຈໍາລອງການຕິດຕາມເອກະສານການຈ່າຍ ລວມທັງແບບຈໍາລອງການສັງລວມເອກະສານສະເໜີຈົດຮັບຈົດຈ່າຍ ທີ່ເປັນຕົວແບບໃນການພັດທະນາລະບົບບໍລິຫານຈັດການວຽກງານດ້ານເງິນຂອງຄະນະວິທະຍາສາດທໍາມະຊາດ. ສະທ້າຍແມ່ນໄດ້ພັດທະນາລະບົບຕາມຕົ້ນແບບທີ່ສ້າງຂື້ນມາ ຊຶ່ງມັນຊ່ວຍເຮັດໃຫ້ການບໍລິຫານຈັດການວຽກງານດ້ານເງິນມີປະສິດ ທິພາບຂື້ນກວ່າເກົ່າ.